~

          خلاص وكثر الله خير جرحك يا بعد دنياي .. من أول يا خي لا تفكر تلف بطعنتك وتدور 

      تبي فرقى من عيونك اشوف أنك تبي فرقاي .. عرفتك قبل لا تنطق وجعها بقلبي المبهور

قبل لا تقولها قلبي عرفها وجابها لشفاي .. لفحني بردها ارتعشت ضلوعي بقلبي المهجور 

قبل لا تروح ابي اجمع من عيونك جميع اشياي .. وابي تاخذ من احلامي وهم شيّد عليها قصور

بعدها روح لا تفكر تداري خاطري وياّي .. ولا تكتّف ايديك تعيش دور مفارق ومجبور 

ولا تبعث عيونك للفضى ادوّر قمر لرضاي .. تحسب انه وسط عمري يطل بوحدتي من نور

خذ الدرب وتوكّل وترك الأشواك لاجل خطاي .. ولا تهتم في تجميع شظايا قلبي المقهور 

تجي بقصور ؟ عاد إلا أنت ما قصرت أبد وياّي .. هدمت أحلامي وعمري وتسئلني تجي بقصور ؟!